Барак Абама: Падтрымка сепаратыстаў пагражае Расіі ізаляцыяй

Калі сітуацыя не зменіцца, то супраць прадстаўнікоў Расіі могуць быць уведзеныя новыя санкцыі. Разам з тым Абама выказаў надзею, што дыпламатычнае вырашэнне ўкраінскага крызісу ўсё яшчэ магчымае, перадае ВВС.

У сваім выступе амерыканскі прэзідэнт згадаў пра збіты на мінулым тыдні ў раёне Данецка пасажырскі "Боінг". Абама заявіў, што галоўнае цяпер — сабраць парэшткі загінулых і высветліць, што адбылося. Ён адзначыў, што прарасійскія сепаратысты, якія кантралююць месца крушэння, перашкаджаюць экспертам трапіць да месца катастрофы. Па словах Абамы, Расія і прэзідэнт Пуцін нясуць прамую адказнасць за правядзенне поўнага і аб'ектыўнага расследавання трагедыі.

Фота — АР