Базавая велічыня ў Беларусі складае ўжо 42 рублі
Папярэдні раз базавая велічыня змянялася год таму
Памер базавай велічыні з 1 студзеня 2025 года складае 42 рублі. Яна вырасла на 2 рублі. Адпаведную пастанову яшчэ восенню падпісаў прэм'ер-міністр Раман Галоўчанка.
Папярэдні раз базавая велічыня змянялася год таму: 1 студзеня 2024-га яна вырасла з 37 да 40 рублёў. На гэтым узроўні яна пратрымалася ўвесь год.
У базавых велічынях разлічваецца памер дапамог, стыпендый, падаткаў і збораў, штрафаў ды іншых выплат.
