Беларусь не будзе пераходзіць на зімовы час
8 кастрычніка такое рашэнне прыняў Савет міністраў.
Адмысловая камісія прадставіла адразу некалькі аргументаў на карысць такога рашэння, паведамляе “Радыё Свабода”. Сярод іх называецца эканамічная немэтазгоднасць.
Раней Дзяржстандарт Беларусі заявіў, што не бачыць падстаў для пераходу краіны на зімовы час. Беларусь адмовілася ад пераходу на сезонны час у 2011 годзе. З 2011 года адмяніла сэзонны перавод стрэлак Расія. Аднак 1 ліпеня 2014 года расійская Дзярждума прыняла рашэнне вярнуць зімовы час. Стрэлкі гадзіннікаў усходнія суседзі перавядуць 26 кастрычніка. З гэтага моманту ў Маскве і Мінску будзе аднолькавы час.
