Беларус Pan Savyan выступіў на Нацыянальным стадыёне ў Варшаве
Pan Savyan — Дзмітрый Саўян / @pan_savyan
На канцэрце на Нацыянальным стадыёне ў Варшаве выступіў беларускі спявак Pan Savyan. Пра гэта ён расказаў у сацыяльных сетках.
На стадыёне прайшоў канцэрт польскіх зорак. Беларуса запрасілі выступіць у якасці госця.
Pan Savyan імкнуўся да выступу на галоўным стадыёне Польшчы ўвесь апошні год. Пра сваё жаданне ён казаў на кастынгу конкурсу "Mam Talent Polska". У сваім акаўнце ў TikTok ён нават запісаў мэту — PGE Naradowy. Пасля выступу ён пракаментаваў: "Калі мары спраўджваюцца, дык чаму б не марыць?"
Дзмітрый Саўян родам з Беларусі, выступаў як стэндап-комік. Да пачатку расійскай агрэсіі ён жыў у Кіеве, але потым перабраўся ў Польшчу. У Варшаве ён скончыў двухгадовы акцёрскі курс.
Сёлета Pan Savyan падаваў заяўку для адбору на "Еўрабачанне" ад Польшчы. Таксама ён удзельнічаў у конкурсе "Mam Talent Polska", даў некалькі сольных канцэртаў, а яго песні гучалі на польскіх радыёстанцыях.
