Беларусь — пятая ў свеце па колькасці суіцыдаў

Беларусь — пятая ў свеце па колькасці суіцыдаў. Пра гэта сведчыць рэйтынг Сусветнай арганізацыі аховы здароўя. У нашай краіне на 100 тысяч чалавек прыпадае 26,2 суіцыды на год. Горшая сітуацыя толькі ў Літве (31,9), Расіі (31), Гаяне (29,2) і Паўднёвай Карэі (26,9). Найлепшая сітуацыя ў Анцігуа і Барбудзе (0,5), Барбадосе (0,8), на Багамскіх астравах і ў Гранадзе (па 1,7), у Сірыі (1,9).

Як адзначае партал tut.by, падчас складання рэйтынгу былі выкарыстаныя статыстычныя дадзеныя за 2016 год.