Беларусь забараніла ўвозіць расійскі джэм і прыправы
На тэрыторыю Беларусі забаронены ўвоз некаторых расійскіх харчовых прадуктаў. Пра гэта паведамляе сайт Мінскага абласнога цэнтра гігіены, эпідэміялогіі і грамадскага здароўя.
Так, пад забарону трапіў молаты мускатны арэх гандлёвай маркі "Вкусмастер", выраблены ТАА "Руская бакалейная Кампанія". Беларускія эпідэміёлагі кажуць, што гэты прадукт не адпавядае нормам па мікрабіялагічных паказчыках.
Таксама забаронены да ўвозу вішнёвы джэм у пластыкавых вёдрах, вытворчасці ТАА "Кансервавы завод "Смаленскі". У складзе джэма эксперты выявілі фарбавальнік Е122. Ён не ўваходзіць у склад рэчываў, дапушчаных да вытворчасці джэмаў.
Фота: vkusnoo.com.ua
