Беларусам, якіх не знайшлі ваенкаматы, пагражаюць закрыць выезд з краіны

Беларусам, якіх не знайшлі ваенкаматы "для зверкі ўліковых даных", пагражаюць абмежаваць выезд з краіны. Пра гэта заявіў ваенны камісар Брэсцкай вобласці Алег Канавалаў. "Пачынаючы з лютага месяца, хутчэй за ўсё, будуць ужытыя абмежаванні на выезд з тэрыторыі Рэспублікі Беларусь і, магчыма, нейкія яшчэ абмежаванні", — кажа ён.

Днямі ў Мінабароны Беларусі заявілі, што не знайшлі толькі 5% ваеннаабавязаных (у Брэсцкай вобласці — 3%). Адзначалася, што мерапрыемствы гэтай праверкі ўжо скончаныя і задача выкананая. Пагрозы ж пра магчымую забарону на выезд з краіны могуць сведчыць пра тое, што ваенкаматы не знайшлі значна больш ваеннаабавязаных, а не названыя 5%. І "мерапрыемствы праверкі", а дакладней пошуку працягваюцца.

Пазней Мінабароны заявіла, што заява Канавалава "недакладная", ніякіх абмежаванняў уводзіць не плануецца.