Беларуская фрыстайлістка на Алімпіядзе ўпала тварам у снег (фота, відэа)

Беларуская фрыстайлістка Аляксандра Раманоўская ўпала падчас выступлення на Алімпіядзе. Гэта адбылося ў чацвер у кваліфікацыі падчас першай спробы. 21-гадовая Раманоўская няўдала прызямлілася, упала і ўдарылася тварам. Яна самастойна паднялася і пазней выйшла на другую спробу, але і на гэты раз прызямленне было не вельмі ўдалым. У фінал фрыстайлістка не трапіла. Аднак туды прайшлі беларускі Ганна Гуськова (з першай спробы) і Ала Цупер (з другой спробы).