Беларуская мова робіцца "моднай"
Такое меркаванне выказаў дарадца міністра адукацыі па сувязях са СМІ і грамадскасцю Віктар Іўчанкаў.
Сёння ў Інстытуце журналістыкі БДУ, дзе адзначаўся Дзень роднай мовы, ён заявіў, што беларуская мова ў параўнанні з савецкімі часамі робіцца больш функцыянальнай і папулярнай. "І нават больш: сярод маладых людзей існуе мода на беларускую мову, яны добраахвотна яе вывучаюць", - адзначыў Іўчанкаў.
У якасці прыкладу для параўнання дарадца міністра прывёў 80-я гады XX стагоддзя: тады, па яго словах, на чалавека, які размаўляў па-беларуску, глядзелі са здзіўленнем.
