Беларускія памежнікі за тыдзень затрымалі болей за 30 парушальнікаў
Беларускія памежнікі за тыдзень затрымалі болей за 30 парушальнікаў дзяржаўнай мяжы. Пра гэта БЕЛТА паведамляе са спасылкай на прэс-службу Дзяржаўнага памежнага камітэта. Гаворка ідзе пра незаконных мігрантаў, якія спрабавалі трапіць праз Беларусь у краіны Еўрасаюза.
У некаторых выпадках падчас аперацыяў па затрыманні прымянялася зброя. Напрыклад, у ноч на 25 жніўня аператыўнікі спынілі чатыры аўтамабілі, у якіх знаходзіліся 11 грамадзян Аўганістана, а таксама арганізатары міжнароднага канала па незаконнай міграцыі — трое беларусаў і двое грамадзян Таджыкістана. Арганізатарам пагражае да 7 год зняволення.
22 жніўня групу нелегальных мігрантаў выявілі ў Брэсцкім раёне — чацвёра іранцаў хацелі трапіць у Польшчу ў абыход пунктаў пропуску. Нелегалаў затрымалі, цяпер шукаюць арганізатараў каналу міграцыі.
