Беларускія праваабаронцы прызналі палітвязнямі яшчэ 12 чалавек
У зняволенні 1466 чалавек, прызнаных палітвязнямі / novychas.online
Беларускія праваабаронцы прызналі палітвязнямі яшчэ 12 чалавек. Гэта — Максім Сташулёнак, Ірына Савашынская, Канстанцін Зарэмба, Альберт Гарбуз, Максім Сеннік, Вольга Гладкая, Уладзіслаў Шукан, Дзмітрый Юртаеў, Мікіта Нядзелька, Наталля Сялях, Максім Палітаў і Аляксандр Несцярэнка. Праваабаронцы лічаць іх справы палітычна матываванымі і патрабуюць вызвалення.
Згаданым асобам выстаўлены абвінавачванні, яны ўзятыя пад варту ці ім ужо вынесены прысуды па артыкуле "Групавыя дзеянні, якія груба парушаюць грамадскі парадак".
У Беларусі налічваецца 1466 палітзняволеных. Гэта чарговы антырэкорд.
