Беларускія сцягі перашкаджаюць… тэхніцы бяспекі на хакейнай арэне
Прадстаўнікі хакейнай арэны ў Стакгольме спрабавалі перашкодзіць сябрам “Беларускай Нацыянальнай Памяці” вывесіць бел-чырвона-белыя сцягі на матчы Беларусь-Славенія.
Пра гэта Еўрарадыё распавёў кіраўнік арганізацыі Анатоль Міхнавец. Спачатку арганізатары не давалі беларусам вывесіць бел-чырвона-белыя сцягі, кажучы што яны… могуць перашкодзіць тэхніцы бяспецы на арэне. Аднак калі беларусы запатрабавалі прынесці ім гэту самую тэхніку бяспекі, прадстаўнікі арэны гэтага зрабіць не змаглі і дазволілі вывесіць маленькія сцягі.
Вялікі бел-чырвона-белы сцяг арганізатары вывесіць не дазваляюць. Пра тое, што бел-чырвона-белыя сцягі — гэта “палітычная сімволіка”, размова ўжо не ідзе. За сябрамі “Беларускай Нацыяняльнай Памяці” па пятах ходзяць прадстаўнікі арэны, але вывесіць вялікі сцяг беларусы ўсё ж збіраюцца.
