“Белтэлекам” папярэджвае: у Мінску зноў магчымыя перабоі з ByFly
“Белтэлекам” папярэдзіў пра магчымыя перабоі з інтэрнэтам у мінскіх абанентаў паслугі ByFly і Home Wi-Fi. Як паведамляе прадпрыемства на сваім сайце, прафілактычныя працы на сетцы перадачы дадзеных філіялу “МГТС” будуць весціся ўначы 24 жніўня, з 01.00 да 06.00.
Адметна, што прафілактычныя працы на сетцы перадачы “Белтэлекам” праводзіў у Мінку меней за чатыры месяцы таму, 5 траўня. Тады абаненты ByFly таксама мелі праблемы з доступам да інтэрнэту.
