Былы палітвязень: сто лістоў заказных, за якія я распісаўся, былі знішчаны

Ужо два дні на волі адзін з лепшых рэгіянальных журналістаў Брэстчыны Сяргей Гардзіевіч з Драгічына, піша racyja.com. У шклоўскай папраўчай калоніі № 17 ён адбываў 1 год і 6 месяцаў, прысуджаных за "абразу" і "паклёп" на Аляксандра Лукашэнку, на "службовых асоб". У канцы 2020-га беларускія праваабаронцы прызналі яго палітвязнем.

Высветлілася, што ў калоніі Гардзевіч "ніякіх лістоў не атрымліваў". Яму прыйшло "амаль сто лістоў заказных", за якія ён распісаўся, але яны былі знішчаны "за ўтрымліванне цынізму".

На здымку ніжэй Сяргей Гардзіевіч пасля выхаду на волю.