Ціманоўская не выйшла ў паўфінал чэмпіяната свету на стометроўцы
Крысціна Ціманоўская / Facebook
Крысціна Ціманоўская не прайшла кваліфікацыю на дыстанцыі ў 100 метраў на чэмпіянаце свету па лёгкай атлетыцы. "Перахвалявалася праз фальстарт", — тлумачыць бягуха.
На забегу на 100 м яна стала пятай, хаця ў сярэдзіне дыстанцыі ішла першай. Забег стартаваў з другой спробы — спярша беларуска зрабіла фальстарт.
На сёлетнім ЧС у Будапешце Ціманоўская ўпершыню выступае за Польшчу. Наперадзе ў яе забег на 200 метраў і эстафета.
