Для расіян самая сяброўская краіна — Беларусь, самая варожая — ЗША
Пра гэта сведчаць вынікі апытання, праведзенага расійскай недзяржаўнай даследчай арганізацыяй "Левада-Цэнтр".
На пытанне пра тое, якія 5 краін з'яўляюцца найбольш варожымі ў дачыненні да Расіі, 69% апытаных назвалі ЗША, 30% — Украіну (у мінулым годзе такіх было 11%), Літву — 24%, Латвію — 23%, Эстонію — 21%. У наступную пяцёрку "варожых" краін увайшлі Грузія (19%), Вялікабрытанія (18%), Нямеччына (18%), Польшча (12%) і Канада (7%).
Самымі сяброўскімі краінамі для расіян з'яўляюцца Беларусь — 51%, Кітай — 40%, Казахстан — 37%, Арменія — 15%, Індыя — 13%. У гэтым спісе Украіна займае апошняе месца з вынікам 1%, адзначае УНІАН.
