Дуда — пра Беларусь: пагроза, што ў Расіі дадасца чарговая ваенная акруга

7 лютага пра Беларусь на сумеснай прэс-канферэнцыі гаварылі прэзідэнт Польшчы Анджэй Дуда і генсек NATO Енс Столтэнберг. Дуда не выключае, што пасля вучэнняў расійскія войскі могуць не пакінуць тэрыторыю Беларусі. "Гэта расійская прысутнасць прынцыпова зменіць архітэктуру бяспекі ў нашай частцы Еўропы", — адзначыў ён. І дадаў, што тады "у Расіі дадасца чарговая ваенная акруга", а мяжа паміж краінамі NATO і Расіяй павялічыцца на 1,2 тысячы кіламетраў.

Столтэнберг нагадаў, што Паўночнаатлантычны альянс разглядае магчымасць павелічэння сіл на тэрыторыі ўсходніх саюзнікаў, але канчатковага рашэння яшчэ няма.