Двух аўтамабілістаў у Мінску затрымалі за сігналы супраць УНС

На праспекце Незалежнасці ў Мінску даішнікі затрымалі двух аўтамабілістаў, якія сігналілі а 12-й гадзіне. На іх склалі адміністрацыйныя пратаколы, паведамляе прэс-служба сталічнай ДАІ.

Раней у інтэрнэце з'яўляліся заклікі да аўтамабілістаў уключыць гудкі ў 12:00, каб заглушыць Усебеларускі народны сход. 

За неабгрунтаваныя сігналы кіроўцам пагражае штраф ад 5 да 20 базавых велічынь з пазбаўленнем права кіравання транспартнымі сродкамі тэрмінам да двух гадоў або без пазбаўлення.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.