Эканаміст пра падатак на дэпазіты: Шукаюць крыніцы для бюджэту
11 лістапада Аляксандр Лукашэнка падпісаў дэкрэт "Аб прыцягненні грашовых сродкаў ва ўклады (дэпазіты)". Яго тэкст пакуль не апублікаваны, з'яўляецца толькі неафіцыйная інфармацыя пра яго змест. Прадугледжваецца ўвядзенне з 1 красавіка 2016-га падаходнага падатку на некаторыя ўклады для фізічных асоб. Гэта тычыцца не ўсіх дэпазітаў, а толькі рублёвых тэрмінам менш за год і валютных — тэрмінам менш за два гады. Стаўка падаходнага падатку складзе 13%.
Гэта спроба зарабіць грошы, бо няма чым папаўняць бюджэт, лічыць эканаміст Леанід Злотнікаў:
"Трэба шукаць крыніцы для бюджэту. З прадпрыемстваў няма чаго браць, шмат стратных і нізкарэнтабельных прадпрыемстваў. Гэта буйныя прадпрыемствы, якія раней папаўнялі бюджет. Урад спрабуе знайсці грошы, з чаго магчыма".
На думку эканаміста абкладаць падаткам самыя мінімальныя даходы — гэта не рацыянальна.
Фота: Fotolia
