Экс-напарнік Шумахера стаў незалежным дырэктарам беларускай IT-кампаніі SOFTSWIS
Рубенс Барыкела / Matt Bishop
Былы бразільскі гоншчык "Формулы-1" Рубенс Барыкела увайшоў у беларускую IT-кампанію SOFTSWISS. Экс-напарнік Міхаэля Шумахера стаў у кампаніі незалежным дырэктарам па Лацінскай Амерыцы, заўважыла Tribuna.
Барыкела будзе выступаць кансультантам па рэгіянальнай бізнес-культуры і камунікацыі з партнёрамі на месцах, а таксама будзе пашыраць у лацінаамерыканскім рэгіёне інфармацыю пра індустрыю анлайн-забаваў.
Фірма SOFTSWISS вядомая сваёй працай у сферы крыптагэмблінгу: яна стварыла рашэнне для працы з крыптавалютамі ў сферы анлайн-забаваў.
Барыкела быў віцэ-чэмпіёнам Формулы-1 у 2002 і 2004 гадах і заваёўваў бронзу ў 2001 і 2009 гадах.
