Эльвіра Герман хацела падарыць золата хлопчыку з ДЦП і выйграла яго
Беларуская бягуха Эльвіра Герман 22 чэрвеня на стадыёне "Дынама" ў Мінску заваявала срэбны медаль сярод лёгкаатлетаў Беларусі, Украіны, краін Балтыі і балканскага рэгіёна.
На матч дзяўчына запрасіла Паўла Рашчынскага — хлопчыка з ДЦП, які малюе карціны пальцамі левай нагі. Пасля яна падарыла яму свой медаль і сказала, што спадзяецца на золата, піша "Прессбол".
"Нядаўна пазнаёмілася з гэтым хлопцам. Захацела зрабіць для яго нешта прыемнае. І ён быў адным з натхняльнікаў майго забегу. Спадзяюся, наступным разам падару яму залаты медаль".
І Эльвіра выйграла золата чэмпіянату Еўропы па лёгкай атлетыцы ў Германіі. Яна прабегла 100 метраў з бар'ерамі за 12,67 секунды.
