Фінскі нападаючы Тэму Пулкінен вярнуўся ў мінскае "Дынама"

Фінскі нападаючы 27-гадовы Тэму Пулкінен вярнуўся ў хакейны клуб "Дынама-Мінск", інфармуе прэс-служба дынамаўцаў. Ён падпісаў кантракт тэрмінам на год.

У мінулым сезоне Пулкінен быў найлепшым бамбардзірам каманды. У 50 матчах ён набраў 29 ачкоў (15+14).

Гендырэктар "Дынама" Дзмітрый Баскаў патлумачыў, што пасля таго, як канадзец Франсіс Парэ выступіў з ініцыятывай прыняць беларускае грамадзянства, у камандзе вызвалілася адно месца для легіянера. Выбар быў зроблены на карысць фіна. "Мы даўно знаходзіліся з ім у перамоўным працэсе і вельмі хацелі вярнуць яго ў Мінск", — кажа Баскаў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.