У Польшчы затрымалі ўкраінца з-за пагроз Наўроцкаму
Караль Наўроцкі / PAP
У Польшчы затрымалі 36-гадовага грамадзяніна Украіны. Яго падазраюць у публічных пагрозах у адрас прэзідэнта краіны Караля Наўроцкага, паведамляе Polsat News.
Мужчыну могуць прад'явіць абвінавачанне па артыкуле Крымінальнага кодэкса Польшчы, які прадугледжвае адказнасць за абразу канстытуцыйнага органа дзяржавы.
Паводле інфармацыі паліцыі, увагу праваахоўнікаў прыцягнулі выказванні мужчыны, якія былі апублікаваны ў інтэрнеце.
У суботу затрыманага даставілі ў пракуратуру, дзе яму павінны аб'явіць падазрэнне.
