Фотафакт: у Магілёве збілі кандыдата ў дэпутаты
Падчас распаўсюду яго агітацыйных улётак на апазіцыянера Аляксея Паўлоўскага накінуўся невядомы мужчына.
Інцыдэнт адбыўся ўчора вечарам каля аднаго з дамоў па вуліцы Грышына, што ўваходзіць у склад Заводскай выбарчай акругі № 3 па выбарах у Магілёўскі гарадскі Савет дэпутатаў.
Са словаў Паўлоўскага, мужчыне не спадабаліся ўлёткі, якія ён раскідваў. Ён ударыў кандыдата ў дэпутаты некалькі разоў у твар, а затым пачаў заламваць яму руку. На дапамогу агрэсіўнаму мужчыне прыйшоў ягоны сын.
Калі сутычка скончылася, Аляксей Паўлоўскі выклікаў міліцыю. На ініцыятараў канфлікту складзены адміністрацыйныя пратаколы.
