Франак Вячорка завочна асуджаны на 20 гадоў

20 гадоў калоніі ўзмоцненага рэжыму — такі прысуд атрымаў завочна Франак Вячорка, дарадца лідаркі дэмсілаў Святланы Ціханоўскай.

Завочны працэс прайшоў 31 траўня ў Мінгарсудзе, паведамляе праваабарончы цэнтр "Вясна". Прысуд вынесла суддзя Валянціна Зянькевіч.

Акрамя пазбаўлення волі Вячорку прысудзілі штраф у 60 тысяч рублёў (1500 базавых велічыняў).

Вячорку інкрымінавалі дзевяць артыкулаў Крымінальнага кодэксу. Таксама яму выставілі "ў інтарэсах дзяржавы" пазоў аб кампенсацыі маёмаснай шкоды, "прычыненай супрацьпраўнымі дзеяннямі" — больш за 30,9 мільёна рублёў.

Завочныя суды рэжым Лукашэнкі практыкуе супраць палітычных апанентаў, якія пакінулі Беларусь. У палітуцекачоў стараюцца канфіскаваць нерухомасць.