Француз інсцэніраваў пахаванне, каб пазбегнуць турмы
Паліцыя Францыі выкрыла махляра, які спрабаваў інсцэніраваць ўласнае пахаванне, каб пазбегнуць пакарання.
26-гадовы малады чалавек з Нармандыі размясціў у мясцовай газеце аб'яву з месцам і часам правядзення жалобнай цырымоніі. Як перадае ВВС, паліцыянтам гэта падалося падазроным. Прыбыўшы ў паказаны час на могілкі, яны не знайшлі ні труны, ні самой цырымоніі — толькі бабулю асуджанага, якая нічога не падазравала.
Імя махляра не называецца, аднак мясцовыя праваахоўнікі кажуць, што ён ім даўно знаёмы.
Ілюстрацыйнае фота — turj.ru
