Галоўны дзяржтэлеканал Венгрыі папрасіў прабачэння за "гады хлусні" пры Орбане
Дзяржаўны тэлеканал Венгрыі папрасіў прабачэння ў гледачоў / AFP
Галоўны дзяржаўны навінавы тэлеканал Венгрыі М1 7 ліпеня прыпыняў вяшчанне на чатыры гадзіны.
Як перадае DW, замест навінаў на канале транслявалі чорны экран з надпісам: "Грамадскае СМІ не павінна хлусіць. Просім прабачэння за тое, што доўгія гады ўсё ж рабілі гэта!"
Вяшчанне на тэлеканале было адноўленае толькі ўвечары, але без навінавых праграм. Дзяржаўная радыёстанцыя Kossuth замест навін транслявала музыку.
Прэм'ер-міністр Венгрыі Петэр Мадзьяр, які змяніў Віктара Орбана, назваў 7 ліпеня гістарычным днём. У сваім акаўнце ў Фэйсбуку ён напісаў: "Сёння заканчваецца прапагандысцкае вяшчанне на дзяржаўных медыяплатформах".
