Гамельчука аштрафавалі на 5 мільёнаў за тое, што агаліўся на дарозе
Такі прысуд 23-гадоваму жыхару гарадскога пасёлка Касцюкоўка вынес Чугуначны раённы суд Гомеля.
Як паведамляе БелаПАН, здарэнне адбылося яшчэ 9 сакавіка. Кіроўца справакаваў на дарозе аварыйную сітуацыю. Праз гэта ў яго ўзнік славесны канфлікт з іншымі ўдзельнікамі дарожнага руху. Хлопец пачаў нецэнзурна лаяцца ў прысутнасці жонкі іншага кіроўцы і іх непаўналетніх дзяцей. А потым і зусім агаліў і прадэманстраваў свае палавыя органы.
На кіроўцу-хулігана пачалі крымінальную справу, якую цяпер і разгледзеў суд.
Фота — obozrevatel.com
