У Заслаўі на Новы год завісла паўсотні дальнабойшчыкаў (відэа)

У Заслаўі болей за паўсотні кіроўцаў фур сустрэлі Новы год у кабінах сваіх аўтамабіляў. Напярэдадні свята лагістычны цэнтр адной з гандлёвых кампаній быў перагружаны, таму новы тавар (гэта пераважна фрукты) часова не прымалі.

У выніку дальнабойшчыкі з розных краін некалькі дзён стаялі ў чарзе ў чаканні разгрузкі. Кіроўцы не мелі даступнай пітной вады, гарачага харчавання і туалетаў. Да таго ж супрацоўнікі ДАІ патрабавалі ад іх прыбраць грузавікі з дарожнай абочыны.

У інтэрв’ю БелаПАН кіроўцы выказвалі спадзяванне, што змогуць здаць свае грузы на склады прымаючай кампаніі сёння, 2 студзеня.