Гебрэмарыям: моладзь, мова, мадэрнізацыя — у гэтых трох словах мая ідэя
18 чэрвеня госць Еўрарадыё — кіраўніца Задзіночання беларускіх студэнтаў актывістка “Моладзевага блоку” Алана Гебрэмарыям.
Моладзь выключаная з працэсу прыняцця рашэнняў, уладу не цікавіць іх бачанне шляхоў развіцця краіны, да меркавання моладзі не прыслухоўваюцца. Моладзь гэта бачыць і ведае. Таму часам складаецца ўражанне, што яе не асабліва цікавіць тое, што ў краіне адбываецца. Але гэта не так, перакананая Алана Гебрэмарыям. Будучыня Беларусі моладзі цікавая хаця б таму, што менавіта сённяшняй моладзі жыць у Беларусі заўтрашняга дня. Адпаведна, іх хвалюе — якой гэта Беларусь заўтрашняга дня будзе.
Пра тое, ці здольная моладзь нешта змяніць у краіне, каб гэта Беларусь заўтрашняга дня адпавядала яе чаканням, і ці будзе гэта Беларусь — беларускай, мы і разважаем у чарговым выпуску "Ідэі Х" з Аланай Гебрэмарыям.
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
Нацыянальная ідэя
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
