Гомельскія мытнікі спынілі перавозку 36 тон бульбы

Гомельскія мытнікі спынілі правоз буйной партыі бульбы, паведамляе сайт Дзяржаўнага мытнага камітэта. Кіроўца аўтамабіля перавозіў 36 тон бульбы па несапраўдных фітасанітарных сертыфікатах.

Мытнікі забралі партыю бульбы, ацэненую ў 6000 рублёў. На кіроўцу пачалі адміністрацыйную справу. Яму пагражае штраф да 1150 рублёў (50 базавых велічыняў) і канфіскацыя тавару.