Грузавы цягнік насмерць збіў мужчыну пад Жлобінам
Трагедыя са смяротным вынікам здарылася 19 ліпеня ў Жлобінскім раёне, інфармуе прэс-служба УУС Гомельскага аблвыканкама.
Удзень недалёка ад чыгуначнай станцыі Чырвоны Бераг грузавы цягнік Гомель-Асіповічы насмерць збіў 57-гадовага мясцовага жыхара. Цела мужчыны знайшлі каля пешаходнага насцілу цераз чыгуначныя рэйкі. У міліцыю пра трагедыю паведаміў фельчар.
На месцы інцыдэнту працуюць праваахоўныя органы.
