Хакеіст Сяргей Касціцын стане расійскім грамадзянінам
Беларускі нападнік омскага "Авангарда" збіраецца атрымаць расійскі пашпарт з пачатку новага сезону КХЛ.
Як адзначае сайт Arena55, пасля гэтага Касціцын, хутчэй за ўсё, перастане лічыцца легіянерам. У новым рэгламенце КХЛ, які будзе неўзабаве зацверджаны, хакеіст з расійскім пашпартам не лічыцца легіянерам, нават калі зайграны за замежную зборную.
"Авангард", дзякуючы пашпарту Касціцына, зможа заявіць лішняга легіянера. А сам Сяргей Касціцын зможа працягнуць гуляць за зборную Беларусі.
Фота — n1.by
