Каля Камароўкі выйшлі на акцыю 250 жанчын у белай вопратцы
Да Камароўскага рынку ў Мінску выйшлі 250 жанчын у белай вопратцы і з кветкамі. Такім чынам яны выказваюць пратэст супраць гвалту з боку сілавікоў і сваю салідарнасць з пацярпелымі мірнымі дэманстрантамі.
Удзельніцы акцыі падкрэсліваюць, што яны прыйшлі з адкрытымі рукамі, як і іншыя мірныя пратэстоўцы.
Жывы ланцуг працягнуўся ўздоўж Камароўкі і Дома мэблі.
Машыны, якія праязджаюць міма, вітаюць удзельніц флэшмоба. Міліцыянты просяць жанчын разысціся.
Праз нейкі час дзяўчаты паклалі кветкі каля праезнай часткі і пачалі разыходзіцца, паклаўшы рукі за галаву. Да часткі ўдзельніц, якія заставаліся кля Камароўкі, пад'ехаў бусік з амапаўцамі, але выходзіць сілавікі не спяшаліся.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
