Каля мяжы з Беларуссю фіксуюць канцэнтрацыю расійскіх войск і вайсковай тэхнікі

Расія канцэнтруе войскі і вайсковую тэхніку ў рэгіёнах на мяжы з Беларуссю і Украінай. Пра гэта піша выданне Politico.

Спадарожнікавыя здымкі, якія фіксуюць збор тэхнікі, зробленыя ў раёне Ельні ў Смаленскай вобласці — гэта  за 100 кіламетраў ад мяжы з Беларуссю і 250 кіламетраў ад мяжы з Украінай.

Прэс-сакратар Уладзіміра Пуціна пацвердзіў канцэнтрацыю вайсковай тэхнікі, але абверг, што гэта адбываецца каля Украіны. "Там гаворка ідзе пра мяжу з Украінай — паказваюць мяжу з Беларуссю", — цытуе "Спутник" словы Дзмітрыя Пяскова. 

Таксама прадстаўнік Крамля падкрэсліў, што перамяшчэнне вайсковай тэхнікі па тэрыторыі краіны — гэта прэрагатыва Масквы.