Казулін, Пазняк і Шушкевіч абмеркавалі “Ўсходняе партнёрства”
У Варшаве адбылася сустрэча Зянона Пазняка, Станіслава Шушкевіча і Аляксандра Казуліна. На ёй выпрацоўвалася ўзгодненая пазіцыя наконт праграмы “Ўсходняга партнёрства”. Палітыкі палічылі неабходным акцэнтаваць увагу на праблеме, якая вылучае Беларусь з астатніх пяці краінаў, запрошаных для удзелу ў праграме, а менавіта — на стане беларускай культуры і адукацыі, а таксама свабодзе творчасці, інфармуе Радыё "Свабода". Гэтымі палажэннямі яны прапанавалі дапоўніць умовы Еўрасаюза ў дачыненні да Беларусі.
