Хакеры ўзламалі дзяржпартал РБ па працы з электроннымі рахункамі-фактурамі
Інтэрнэт, ілюстрацыйнае фота / pixabay.com
Хакеры працягваюць узломваць беларускія дзяржаўныя парталы. Нядаўна Еўрарадыё паведамляла пра выяўленую ў адкрытым доступе базу кліентаў "Белдзяржстраху".
Цяпер хакеры атрымалі базу даных дзяржаўнага партала, прызначанага для працы з электроннымі рахункамі-фактурамі vat.gov.by, піша спецыялізаваны рэсурс "Уцечкі інфармацыі".
Хакеры з групы DumpForums паказалі прыклады атрыманых даных. З іх можна даведацца прозвішча, імя, назвы арганізацый, пасады, хэшаваныя паролі, адрасы электроннай пошты (каля 125 тысяч унікальных), тэлефоны (каля 10 тысяч унікальных). Пры гэтым інфармацыя свежая: даныя датуюцца 26 кастрычніка 2024 года.
