Колькасць хворых COVID-19 у Беларусі знізілася пасля выхадных
Медык вызначае вынік ПЦР-тэстаа / Ілюстрацыйнае фота
Колькасць беларусаў, якія захварэлі каранавірусам за суткі, склала 1 473 чалавекі, тады як днём раней іх было 1 963, паведаміла прэс-служба Міністэрства аховы здароўя.
За ўвесь час зарэгістравана звыш 492 тысяч выпадкаў захворвання COVID-19. З бальніц выпісана больш за 484 тысяч чалавек (+1 119 за апошнія 24 гадзіны).
Колькасць памерлых склала 3 847 (+10 за суткі).
За ўвесь перыяд распаўсюджвання інфекцыі ў рэспубліцы медыкі зрабілі звыш за 7,9 млн ПЦР-даследаванняў (+13 810 за суткі).
Кожны ахвотны беларус можа зрабіць прышчэпку расійскім "Спадарожнікам V" або кітайскім Vero Cell кампаніі Sinopharm.
Як паведамляла раней Еўрарадыё, у верасні ў Беларусь дастаўлена 250 тысяч доз вакцыны "Спадарожнік Лайт" і 1,5 мільёна доз вакцыны Sinopharm.
