Краіны Вялікай сямёркі і ЕС хочуць забараніць імпарт расійскага газу
Гэта першы выпадак, калі заходнія краіны дапускаюць магчымасць абмежаваць пастаўкі расійскага газу па трубаводах / pixabay
Еўрасаюз і краіны G7 плануюць забараніць імпарт газу з Расіі па трубаводах, піша Meduza са спасылкай на Financial Times.
Гэта першы выпадак, калі заходнія краіны дапускаюць магчымасць абмежавання паставак расійскага газу па трубаводах.
Забарона закране толькі тыя трубаводы, аб'ёмы паставак па якіх да гэтага зменшыла Расія. Мэта санкцый — запабегчы аднаўлення паставак газу з Расіі ў Польшчу і Германію. Масква спыніла іх летась, нагадвае Reuters.
Асноўная функцыя такіх санкцый — абмежаваць прыбыткі Расіі ад продажу прыродных рэсурсаў, сцвярджае адна з крыніц газеты.
Рашэнне лідары G7 павінны будуць прыняць на саміце ў Хірасіме, што пачнецца ў пятніцу.
