Крышціяну Раналду заваяваў званне найлепшага бамбардзіра чэмпіянатаў Еўропы
Капітан футбольнай зборнай Партугаліі Крышціяну Раналду 15 чэрвеня на чэмпіянаце Еўропы ў матчы са зборнай Венгрыі забіў два мячы (гульня скончылася з лікам 3:0 на карысць партугальцаў).
Гэта дазволіла яму стаць найлепшым бамбардзірам на чэмпіянатах Еўропы. Раналду цяпер мае на сваім рахунку 11 забітых мячоў.
Раней найлепшым бамбардзірам лічыўся француз Мішэль Плаціні, які забіў на чэмпіянатах Еўропы 9 мячоў.
Дарэчы, Раналду паставіўі яшчэ адзін рэкорд: ён стаў першым гульцом, які згуляў на пяці чэмпіянатах Еўропы.
