Ксёндз Уладзіслаў Завальнюк правядзе развітальную імшу з Чырвоным касцёлам
Ксёндз Уладзіслаў Завальнюк каля Чырвонага касцёла / Віктар Ведзен
12 кастрычніка ксёндз Уладзіслаў Завальнюк правядзе развітальную імшу з Чырвоным касцёлам. Ён запрашае на яе мінчукоў, паведамляе тг-канал "Хрысціянская візія".
Набажэнства пачнецца ў 19:00 у парафіяльным доме касцёла святых Сымона і Алены.
Сёння апошні дзень, калі рымска-каталіцкая грамада павінна вызваліць Чырвоны касцёл і парафіяльны дом.
Дарэчы, 12 кастрычніка Чырвоны касцёл наведалі арцыбіскуп Тадэвуш Кандрусевіч і біскуп Казімір Велікаселец. "Мітрапаліт на пенсіі (Кандрусевіч. — Еўрарадыё) плакаў ад безвыходнасці", — распавялі сведкі.
Беларускія ўлады заявілі, што забіраюць кацёл у вернікаў пасля таго, як там адбыўся пажар на плошчы 20 квадратных метраў. Будынак належыць дзяржаве і быў перададзены вернікам у бясплатнае карыстанне.
