Лабавое сутыкненне пад Брэстам: пацярпелі пяць чалавек, у тым ліку дзеці
На месцы здарэння / @skgovby
Пяць чалавек пацярпелі ў выніку ДТЗ, якое адбылося ў канцы мінулага тыдня пад Брэстам. Нецвярозы кіроўца на Toyota выехаў на сустрэчную паласу руху, дзе сутыкнуўся з аўтамабілем Volkswagen, распавялі ў СК.
Сярод пацярпелых двое дзяцей (ім год і 10 гадоў), яны знаходзіліся ў Volkswagen. А 67-гадовы пасажыр, які ехаў у Toyota, атрымаў цяжкія цялесныя пашкоджанні.
Экспертыза паказала, што кіроўца Toyota быў нецвярозы. Акрамя таго, у яго не было правоў. Мужчыну затрымалі. Заведзена крымінальная справа па ч. 4 арт.317 (парушэнне правілаў дарожнага руху асобай, якая кіруе транспартным сродкам у стане алкагольнага ап'янення, што пацягнула па неасцярожнасці прычыненне цяжкага цялеснага пашкоджання). У Брэсцкім СК нагадалі, што максімальная санкцыя па гэтым артыкуле прадугледжвае 8 гадоў пазбаўлення волі.
