Лэдзі Гага стала сустаршынёй камітэта Белага дома па культуры і мастацтве
Джо Байдэн і Лэдзі Гага / https://twitter.com/ladygaga
Лэдзі Гага стала сустаршынёй камітэта Белага дома па культуры і мастацтве. У адміністрацыі прэзідэнта ЗША адзначылі заслугі спявачкі ў якасці актрысы, кампазітара і філантропа.
У заяве падкрэсліваецца, што Лэдзі Гага вядзе дабрачынную дзейнасць і ўдзельнічае ў некаторых грамадскіх кампаніях. Напрыклад, разам са сваёй маці яна стварыла фонд, які дапамагае маладым людзям з праблемамі псіхічнага здароўя.
Згаданы камітэт не дзейнічаў з 2017 года, калі яго распусціў тагачасны амерыканскі прэзідэнт Дональд Трамп.
