Ленінградская вобласць хоча адбіць Беларусь у Прыбалтыкі і Ўкраіны

Ленінградская вобласць прапануе Беларусі свае порты для транспартавання нафты і нафтапрадуктаў. Пра гэта, паводле інфармацыі БЕЛТА, заявіў у Санкт-Пецярбургу віцэ-губернатар вобласці Рыгор Двас. Акрамя гэтага, ленінградскі бок гатовы транспартаваць і беларускія харчовыя тавары.
Прэм'ер-міністр Беларусі Сяргей Сідорскі адзначыў, што гэта вельмі цікавая прапанова для беларускай прамысловасці.

Нагадаем, што цяпер нафта з Венесуэлы пастаўляецца ў Беларусь праз Адэскі порт (Украіны), а таксама праз прыбалтыйскія порты.