Лік авіярэйсаў паміж Беларуссю і Турцыяй можа павялічыцца да 14 на тыдзень
Аб гэтым сёння расказаў старшыня Савета Рэспублікі Нацыянальнага сходу Беларусі Анатоль Рубінаў.
Ён патлумачыў, што сёння ў яго адбылася размова з кіраўніцтвам Turkish Airlines. Гаворка ішла пра тое, што ў найбліжэйшай будучыні плануецца запусціць адначасова па 7 рэйсаў: як з боку "Белавія", так і Turkish Airlines. У выніку іх агульная колькасць павінна скласці 14.
Візіт парламенцкай дэлегацыі Беларусі на чале з Анатолем Рубінавым ў Турцыю праходзіць з 14 па 15 кастрычніка. Парламентарыі наведалі Анкару і Стамбул. Прайшлі сустрэчы з турэцкім прэзідэнтам Рэджэпам Таіпам Эрдаганам, кіраўніком парламента Джэмілем Чычэкам, мэрам Стамбула Кадырам Тапбашам, паведамляе БелТА.
