Літоўскі міністр: Глядзіш на Беларусь і часам апускаюцца рукі

Такую заяву зрабіў міністр замежных спраў Літвы Лінас Лінкявічус на сустрэчы ў літоўскімі амбасадарамі, акрэдытаванымі за мяжой.  

"Мы таксама верым, што Беларусь абярэ еўрапейскі шлях, — цытуе словы Лінкявічуса "Интерфакс-Запад". — Гэта вера... часам апускаюцца рукі, часам зноў з'яўляецца нейкі шанец. Але наша задача — цярплівасць, паслядоўнасць".

Ён падкрэсліў, што беларускія грузы ў Клайпедзе не могуць быць важнейшымі за правы чалавека. "Усё важна і ўсё магчыма... вельмі важна, каб палітзняволеныя былі на волі, каб не цярпелі з-за таго, што ў іх нейкія іншыя перакананні, чым ва ўлады", — сказаў літоўскі міністр.

Фота — Fotoliaarsdigital