Літоўскія памежнікі за суткі вярнулі ў Беларусь ўсяго двух мігрантаў
Крызіс з мігрантамі на беларускай мяжы / Delfi
Літоўскія памежнікі за суткі вярнулі ў Беларусь ўсяго двух мігрантаў і прынялі яшчэ траіх. Ім дазволілі ўезд "па гуманітарных меркаваннях".
Ахова мяжы працягваецца ва ўзмоцненым рэжыме, паведамляе Delfi.
Усяго ў гэтым годзе праз мяжу з Беларуссю ў Літву ўехала больш за чатыры тысячы чалавек.
Літва, Латвія і Польшча вінавацяць улады Беларусі ў арганізацыі міграцыйных патокаў і называюць гэта гібрыднай агрэсіяй. У Літве абвешчана надзвычайнае становішча ва ўсёй краіне, а ў Латвіі ў прыгранічных рэгіёнах.
