Лукашэнка дазволіў пабудаваць свінакомплексы каля Маладзечна
Нягледзячы на незадаволенасць гэтым праектам мясцовых жыхароў. Кампанія "Вялес-Міт" мусіць узвесці два буйныя свінакомплексы за 70 млн еўра.
Аляксандр Лукашэнка дазволіў кампаніі "Вялес-Міт" пабудаваць два буйныя свінакомплексы ў Маладзечанскім раёне. Гэта вынікае з указа кіраўніка дзяржавы №220 ад 1 чэрвеня. Згодна з дакументам, у 2015-2018 гадах пройдзе будаўніцтва двух свінагадоўчых комплексаў на 100 тысяч галоў свіней у год кожны ў вёсцы Соўлава і ў раёне аграгарадка Палачаны Маладзечанскага раёна і пад'язных дарог да іх, паведамляе партал tut.by.
Аб'ём інвестыцый у згаданыя свінакомплексы складзе 70 мільёнаў еўра.
Нагадаем, у снежні 2014-га мясцовыя жыхары падчас грамадскіх абмеркаванняў выказалі сваю нязгоду па праектах пабудовы свінакомплексаў. Але, як бачым, іх думку не ўлічылі.
"Вялес-Мітам" кіруе Аляксей Алексін, імя якога стала вядома пасля таго, як бізнесмен Юрый Чыж і звязаныя з ім кампаніі трапілі пад санкцыі ЕС. Чыж сцвярджае, што яны з Алексіным ужо не партнёры. Больш падрабязна пра гэта гл. тут.
Будаўніцтва свінакомплексаў каля Маладзечна пад пытаннем
“Нам не трэба тут столькі г..на!”
Фота: ria.ru
