Лукашэнка сёння праедзе на Geely і адкрые "Барысаў-Арэну"
Кіраўнік дзяржавы ў суботу здзейсніць рабочую паездку па Мінскай вобласці.
Ён наведвае сумеснае беларуска-кітайскае прадпрыемства "БелДжы", якое выпускае легкавікі Geely. Там Аляксандру Лукашэнку распавядуць пра тое, як рэалізуецца інвестыцыйны праект па арганізацыі вытворчасці легкавых аўтамабіляў у Беларусі. Як інфармуе БЕЛТА, кіраўнік дзяржавы "асабіста правядзе выпрабаванне новых легкавікоў на пляцоўцы каля прадпрыемства".
Таксама Лукашэнка наведвае ўрачыстае адкрыццё "Барысаў-Арэны", новага стадыёна БАТЭ. Там сёння пройдзе фінальны матч Кубка Беларусі. Аляксандр Лукашэнка паглядзіць футбол і азнаёміцца з інфраструктурай стадыёна.
Фота — ria.ru, pressball.by
