Ля амбасады Японіі ў Мінску могуць зладзіць акцыю салідарнасці
У сацыяльнай сетцы Вконтакте ўтварылася суполка, якая прапанавала неабыякавым зладзіць акцыю салідарнасці з пацярпелымі ад землятрусу ў Японіі.
Удзельнікі суполкі заклікаюць прыходзіць да будынка амбасады ў Мінску, па адрасе пр. Незалежнасці, 23/1 у панядзелак, 14 сакавіка, а 19-й гадзіне.
З сабой яны просяць прыносіць свечкі ці лампадкі і кветкі, паведамляе “Наша ніва”.
